No monitor social media, Nigerians tell military

25 August 2017

Share

BurataiImage copyrightNIGERIAN ARMY

Since di Nigeria military don talk say dem dey monitor wetin people dey talk for social media and on top online, Nigerians don dey react.

People wey BBC News Pidgin talk to say dem dey fear say e be like di government wan kill freedom of expression for Nigeria.

People begin talk after di Director of Defence Information, Major general John Enenche, talk say di military don begin dey monitor social media for comments wey fit be "anti-government, anti-military or anti-security."

As Nigerians begin talk, Major general Enenche don tell BBC say dat no be wetin im really mean. Him say though dem dey monitor wetin people dey talk, dem no fit arrest anybodi.

But dat one still no stop Nigerians from talking how dem feel about dis matter.

See wetin some people, including former President Goodluck Jonathan dey talk here:

Seun Oloketuyi- CEO of the Best of Nollywood Award.

"We don already get one strong law wey bi cybercrime law, so I dey wonder wetin come make dem dey check our social media. I hope say dem no dey try to cage di opposition as dem dey prepare for di next election because this go dey very dangerous for country like our own.

"I think, instead of that make government find better way to make people dey responsible for social media and different ways dey to go about it."

Gboyega Akosile- Executive Editor African News 24

"My own be say, this na very dangerous thing, for every democracy people dey free and get right to talk. We no dey military era. Wetin military need to do dey very simple, na court dem suppose carry person wey talk wetin dey bad go and no be dem suppose monitor social media. Na court get power to look matter of wetin person talk wey fit cause katakata. This one fit affect tori people in future if dem no do anything about am now."

Dotun Oladipo- Publisher of the Eagle Online and President of the Guild of Corporate Online Publishers

"Di decision of di military no be new thing world-wide. Dem dey do this kain thing for China, North Korea, Russia and some other country but to announce am out na wetin dey new. Wetin this mean now for everybody, na for people to dey careful with wetin dem dey post online. Law dey di country already and for military to say dem wan begin monitor, na like added voice to di law."

(http://www.autoadmit.com/thread.php?thread_id=3711354&forum_id=2#34065476)

which pidgin is this? east african? liberian?

(http://www.autoadmit.com/thread.php?thread_id=3711354&forum_id=2#34065485)

what is "wetin?"

(http://www.autoadmit.com/thread.php?thread_id=3711354&forum_id=2#34065494)

5 Ways You Fit Get President Trump to Sack you

15 August 2017

Share

President TrumpImage copyrightGETTY IMAGES

E get one saying wey people dey talk wey be, "the more wey you dey go higher for life, the less friends you go get."

E be like say United States President, Donald Trump, don begin dey experience this kain thing.

No be everybody dey gree with the way Trump dey do things. E get some people wey don even talk their mind and wetin dem get in return? Sack letter!

Other people dey wey be say na resignation letter dem drop, say dem no wan follow Trump work again.

You dey reason how to chop sack letter from President Trump or you wan waka comot for President Trump job? This na some ways you fit do am sharp, sharp:

1.Follow Russia Ambassador Gist

Siddon gist with Russia Ambassador, Sergei Kislyak. Tell am say you go commot the sanction wey US put for Russia. If dem ask you, say you no follow anybody talk anything. Na sack letter you go collect sharp, sharp.

2.Tell reporter say your oga na 'craze person'

Call reporter for phone, tell am say your oga na "craze person." Tell everybody say you go fire them. Begin fight with your fellow White House staff. In fact, you fit no last 10 days before Trump go sack you.

3.No understand why your oga no understand the mata

Siddon there dey look as your oga dey dodge to talk the mata wey concern black people like you. Siddon there dey wait make your oga condemn people wey dey talk bad about other type of people. You fit resign if you no like wetin you dey siddon look.

4.You wan 'Repeat after me'

You see say something wey no good dey happen for Charlottesville but your President no talk wetin him suppose talk, just quietly repeat after another person and drop resignation letter for Trump table.

5.You think say sports beta pass politics

As person wey like sports business well-well, e fit happen say you no like all the plenty problem wey dey follow politics. No wahala, just follow your fellow ogas Brian Krzanich and Kenneth Frazier, tell President Trump say you no follow again for him manufacturing council.

(http://www.autoadmit.com/thread.php?thread_id=3711354&forum_id=2#34067293)

One woman for India don get permission from court to divorce her husband because im no gree build toilet for dem house..

The woman wey dey for her 20's don dey married to her husband for five years, but na for inside bush she dey poopoo.

Indian law dey only allow divorce for limited circumstances like beating or wicked behaviour.

The lawyer for di woman tell AFP news agency say the judge say to dey make di woman poopoo for outside na one form of torture.

Times of India talk say di court say: "We dey spend money dey buy tobacco, liquor and mobile phones, but no ready to construct toilet to protect the dignity of our family.

"This no be only physical wickedness but also na shock to the modesty of woman."

Indian media say the woman been don file for divorce since 2015.

To piss and poopoo for open field dey common for villages for India. The government don set target to give every house toilet by 2019, but dat work never really get head.

(http://www.autoadmit.com/thread.php?thread_id=3711354&forum_id=2#34067441)

(http://www.autoadmit.com/thread.php?thread_id=3711354&forum_id=2#34070715)

"By: Peter North"

(http://www.autoadmit.com/thread.php?thread_id=3711354&forum_id=2#34074392)

we live in a clown world

(http://www.autoadmit.com/thread.php?thread_id=3711354&forum_id=2#34072793)

https://www.bbc.com/pidgin/tori-41067548

(http://www.autoadmit.com/thread.php?thread_id=3711354&forum_id=2#34093400)

You don ever go date wey bad reach like this?

Woman wey take her hand, pack her poo-poo comot di toilet of man wey she dey friend because ''e no gree flush'' enter trouble, after she go try collect di poo-poo back.

The woman wey dey learn gymnastics, just start to waka with Bristol student, Liam Smith, for di first time, when she take fear troway di poo-poo comot for window.

Instead make di thing land for garden, di poo-poo come jam between two windows wey no dey open wide.

Di lady decide to carry her thing back; she use head enter the small space wey di poo-poo bin dey, but na so she come trap for there, and trouble start.

Mr Smith say im no get choice but to call fire service make dem help remove di girl, along with her poo-poo.

Now, im don dey try raise money to repair di windows wey break, so e write all di tori for inside one University of Bristol crowd funding page.

Liam SmithImage copyrightLIAM SMITH

Image example

Liam Smith meet di woman through social media

Mr Smith write say: ''I go one Tinder (social media app) waka with di woman and we end up for di house wey l dey share. Di evening waka nice; we eat for one popular chicken restaurant, drink beer small, and then we end up for my house, where we continue to dey drink wine and watch movie."

The windowImage copyrightLIAM SMITH

Image example

Di poo-poo dey trapped between two windows

Im say di woman go im toilet and when she return, she begin dey shake, as she tell am wetin she do.

The toilet window dey open but another window dey block am, and na only one small gap dey separate dem.

Before Mr Smith fit run go look for hammer, di woman don climb with her head first. Na so she come jam, hook for there.

Im say ''...after di fire brigade show, dem surprise with wetin dem see but dem organise themselves."

Woman wan troway poo-poo, come trap for window

The woman no get any wound, after di firemen pull am out, but di bathroom window don spoil finish.''

So far, Mr Smith don raise more than £1200 to repair im window.

Dis amount pass di original target of £200 wey im bin dey find, so im and di woman don agree to give some of di money to charities dem.

Di woman no wan come out, show face for media, but Mr Smith say im don meet her since di thing happen and ''we know no wetin fit happen for future."

https://www.bbc.com/pidgin/tori-41171196

(http://www.autoadmit.com/thread.php?thread_id=3711354&forum_id=2#34265999)

Di city police department say di woman behaviour "no normal"

Police for Colorado, United States, dey find one mystery jogger, wey dem don give di name "Mad Pooper", wey dey always go poo-poo outside di house of one family.

Cathy Budde, di madam wey dey live for di house, say di woman don do am for di front of her property like seven times for di weeks wey just pass, even though public toilet no far from her house.

She say her pickin dem catch di jogger as she bend down dey poo-poo in front of her house for Colorado Springs.

Di police department for di city say dis kind behaviour dey "very strange".

Lt Howard Black tell di BBC say dem fit charge di suspect for law in di city wey ban anyone to poo-poo and piss outside.

"I never see dis kind thing for di 35 years wen I dey work as police," he been talk.

He say di cause fit be mental problem.

Mrs Budde tell KKTV, wey bi news station for di city say, she confront di woman.

"So I come outside to face di woman, I ask am 'You dey serious? You dey poo-poo in front of all my pickin?' She say, 'Yes, sorry!'

"I come reason am say shame suppose don catch dis woman, say she go find nylon bag to come pack am comot, and she no go show again. But na lie"

Mrs Budde say: "Two other times when we catch am - we catch am yesterday - she change di time when she dey show because she know say I go dey wait am".

"I put sign for di wall where I write 'Abeg, na beg I dey beg you, stop am."

But still di woman, anytime when im wan poo-poo, go jog go di family house of Budde dem, come do am outside.

https://www.bbc.com/pidgin/world-41317443

(http://www.autoadmit.com/thread.php?thread_id=3711354&forum_id=2#34266040)

Dis no bi di first time wey Ms Zille go vex some people for her country.

How far you fit go to save water?

BBC tori person, Pumza Fihlani, say for di head of one province for South Africa, e be like say no sacrifice too big.

Western Cape Premier, Helen Zille, don open mouth talk say she dey baff only once every three days.

Dis one mean say if she baff for Monday, she fit no enter shower until like Thursday.

But e be like say dis thing wey dey shock some people, get noble reason, wey still make sense to some other people.

So wetin be Ms Zille reason? She say di Western Cape - wey popular for their winelands, mountains and beaches - nor dey get water, sotay di thing don worse since last year, because rain no dey fall as before, and drought don dey di region.

"I dey enter shower quick-quick‚ once every three days‚ and for the rest (of di week) I dey wash inside hand basin. I bin dey wash my hair every day‚ but now na only when I dey shower‚ and dis one no dey too good," na wetin Ms Zille write inside column.

Even as she explain, Ms Zille, wey be di founder of South Africa opposition Democratic Alliance (DA) party, don shock many people with wetin she open mouth talk about how many times she dey bathe.

Dis no be di first time wey Ms Zille go surprise people. E never tay wey she still cause palava after she posting tweet wey be say peopel feel say she suggest say some good things still happen during colonial times, when white people dey suffer black people because of their skin colour.

An aerial photo taken in June 2013 shows Table Mountain and central Cape Town, in South AfricaImage copyrightAFP

Image example

Na only 87 litres of water per day dem dey allow those wey dey stay Cape Town to use

For some South Africans, dem feel say those wey get shower, and get choice to sacrificing their shower time na problem wey only middle-class, rich people fit get.

Dis na because many of those wey dey live for Cape Town informal settlements no get shower; dem only get community tap for water, and dem dey use basin bathe, while others dey usually get running water for house, and bath too.

This latest word from Ms Zille, still get some people wey feel say di way she dey try save water na good thing.

So how we come know about di habits of one of South Africa popular politicians?

Well, Ms Zille bin dey reply to local media wey dey raise question about how her Provincial department dey use money put water purification system for her official house for Cape Town.

To show say she sef dey serious about di water matter, she say she and her husband dey try to use little water‚ sotay sometimes she dey worry about wetin fit happen to their health.

Dis tori fit don make some people laugh for social media, but for those wey dey live for bi province, no bi laughing matter.

The average water level for dams across di Western Cape na 35%; dis na big drop from di 61% at the same time last year, according to di province own water affairs department.

Because of all dis one, wetin dem dey call "level five restrictions" on top how people dey use water don dey ground - now, each of Cape Town six million residents no fit use more than 87 litres of water a day.

Scientists report say di average eight-minute shower dey use 62 litres; dis one na already - 70% of each person daily allowance for Cape Town.

Anybodi wey use pass di allowed amount of water fit get fine, and more palava fit dey for businesses wey no follow di law.

But to dey put eye for how people dey difficult, so authorities dey beg area people to do "self-police," begin monitor demself.

E be like say all dis one no dey work.

Authorities say area people and businesses dem just no dey do enough things to obey di new rules.

Di don dey look how dem go fit get water through other ways, including recycling of water and to dey collect water from deep inside ground.

https://www.bbc.com/pidgin/world-41363194

(http://www.autoadmit.com/thread.php?thread_id=3711354&forum_id=2#34290258)

Roslyn Corrigan talk say: "e drop im hand down to my buttocks and squeeze am

One woman don talk say wen she be 16 years old, former US President George HW Bush touch her 'bum-bum' as she dey take photo with am together with her mama.

Rosyln Corrigan don be di sixth woman to accuse Mr Bush say e touch where e hand no suppose go for dia body.

She tell Time Magazine say she meet Mr Bush for 2003 meeting of CIA officers inside Texas, where her father been work.

Ms Corrigan talk say wen di thing happen, "My first reaction na serious fear, I dey really, really confuse. I be small girl dat time"

One talk-talk person for Bush agree say e don touch different women before-before.

On Monday, Jim McGrath, wey be spokesman for Mr Bush, tell di BBC say di 41st president, wey once be oga for CIA, "no put am for im heart to openly cause harm or stress to anybody, and e don again beg give anybodi wey e use mistake take offend during wen dem dey snap picture".

Ms Corrigan talk say di incident happen as Mr Bush dey pose for one photo with her and her mama for di CIA office wey dey for Woodlands, Texas, for November 2003.

She say:"As soon as dey snap di photo, e drop im hands from my waist go down to my buttock and squeeze am, na im make you see say for di picture my mouth dey wide open."

Mr Bush na 79 years old dat time.

For one interview with Time, Ms Corrigan talk say: "I just dey like, 'Oh my goodness, wetin just happen so?"

"I no talk anything. Wetin young girl wey be still teenager wan open mouth talk to ex-president of di United States? Like, 'Hey dude, you no suppose touch me like dat?'"

Ms Kline (L) said her husband was standing next to the former president as he groped herImage copyrightCHRISTINA BAKER KLINE

Image example

Ms Kline (L) talk say her husband dey stand next to di former president as e touch her buttock.

For late October, after some other women begin claim say something like dat happen to dem too, Mr McGrath talk say Mr Bush "for some occasion, don pat women back before, e dey do am as good-natured manner".

E add say because of say di former president dey use wheel chair, "im arms fall on di lower waist of people wey e wan take picture with."

But Mr Bush stand up for di photo wey e snap with Ms Corrigan, and dis one dey bother her because she believe say "di excuse wey di ex-president dey give for im old man trick… no be true."

She talk say: "Wen I hear dat na di reason, like, 'Oh, e be just old man and e no know any better and im touch dey harmless and playful and na just where e arm fall… tears just begin dey comot from my eyes,"

"I just no believe dat. I no fit. I no fit take dat. I no fit sleep anymore, because dat no be true, and dis no be excuse."

https://www.bbc.com/pidgin/world-41971771

(http://www.autoadmit.com/thread.php?thread_id=3711354&forum_id=2#34698409)

https://www.bbc.com/pidgin/world-42669364

(http://www.autoadmit.com/thread.php?thread_id=3711354&forum_id=2#35143419)

Some people go born pickin say na dem papa or mama or grandparents wey don come back to life, but no be dis mama.

49 year old Rajashree Patil wey her pickin die for 2016 on top brain cancer don use im sperm born anoda pickin.

She carry her pickin, Prathamesh sperm give anoda mama to born pickin say she wan dey close to her son. Di surrogate born twins, boy and girl.

She name di boy, Prathamesh after di papa, name di girl Preesha wey mean God's gift.

Image copyrightSAGAR KASAR

Image example

Dem find say Prathamesh bin get serious Brain Tumour for 2013 and im die three years later

After Prathamesh graduate from Sinhgad College of Engineering for India, e enter Germany to do im Masters'.

For 2013, im find say im get Stage IV cancer for im brain and im die for 2016 but before im bin start treatment doctors advice say make im store im semen on top say e never marry.

E bin give right to im mama or im sister, Dnyanashree, make dem use am after im die.

Im mama tell BBC say, "I don get my Prathamesh back."

Image copyrightSAGAR KASAR

Image example

Di twins dem

By di time wey her 27 year old pickin bin give Rajashree di rights, she bin no know say e go be method to get "her own pickin" back.

Dem use di sperm wey dem save, join am with person wey dem no know her egg, put am for relative belle.

Dem born di twins for 12 February.

https://www.bbc.com/pidgin/world-43157767

(http://www.autoadmit.com/thread.php?thread_id=3711354&forum_id=2#35478533)